आशिर्वाद द्यावा, तू आज गजानना 🙏

आशिर्वाद द्यावा , तू आज गजानना!!
परतीच्या वाटेवरी, क्षण हा रेंगाळला!!

तुझे चित्र राहो , मनी या माझ्या सदा!!
विरह हा तो आज , वाटे न यावा पुन्हा !!

विघ्नहर्ता तू , तूच आहेस लंबोदरा!!
तुझे जाणे असे की , पाह तू वळूनी जरा!!

चूकभूल न उरावी , हेच मागणे नंदना!!
गोडी त्या मोदकाची , रेंगाळुदे आता सदा !!

राग ,द्वेष, मत्सर, घेऊन जा तू तुझ्यासवे जरा !!
सुख, समृद्धी आणि आरोग्य , नांदू दे इथे सदा !!

ऐक तू माझे, लंबकर्णा , पितांबरा!!
एकदंत तू , धूम्रवर्ण तू , तुझ्याविना न कोण विश्र्वमुखा  !!

परतुनी पुन्हा येण्या , वचन दे तू मला!!
डोळ्यात आहे पाणी , आठवणीत आहेस तू सदा !!

आशिर्वाद द्यावा, तू आज गजानना !!

✍️ ©योगेश खजानदार

🙏गणपती बाप्पा मोरया!! पुढच्या वर्षी लवकर या!!!🙏

Join 7,330 other followers

Advertisements

प्रेमरंग❣️

“तुझ्या मिठीत मी हरवून गेले
तुलाच न ते कधी का कळले?
डोळ्यातूनी कित्येक बोलले
परी मनातले मनात विरले

कधी नकळत सांगून गेले
सांगूनही तुला न उमगले
उमगले तरी ओठांवर अडले
तुझ्या हसण्यात सारे ते दडले

तुझ्या हातात हात मी दिले
सोबतीस या मला तू पाहिले
तुझ्या वाटेवरती चालत आले
एक तू एक मी बाकी न राहिले

तुझ्यासाठी कित्येक क्षण दिले
परी एक एक क्षण मज ते बोलले
साठवून ठेवु तरी का बरसले?
आठवात त्या तुझ्यासवे भिजले

चांदण्यात तुला कित्येक शोधले
कधी तू कधी ते भास ते झाले
चंद्रास त्या सारे मी सांगितले
का की उगाच मग ते हसले

गंध ते सारे जणू सर्वत्र पसरले
तुझे नि माझे जणू प्रेम आज फुलले
त्या पाकळ्यांत जणू मी बहरले
जेव्हा तुझ्या मिठीत मी हरवून गेले !!”

✍️योगेश खजानदार

Join 7,330 other followers

साद भेटीची ..✍️©

Advertisements

साद भेटीची..✍️

“साद कोणती या मनास आज
चाहूल ती कोणती आहे!!
तुझ्या आठवांचा पाऊस आज
मज चिंब का भिजवत आहे??

कुठे कधी भेटावे नकळत
आस कोणती या मनास आहे!!
तुझ्या वाटेवरती उगाच ते
तुझीच वाट का पाहत आहे??

गंध पसरले दाही दिशांनी
तो गंध ओळखीचा आहे!!
तुझ्या येण्याचा भास मग
उगाच मला का होत आहे??

दवबिंदू होऊन पानावरती
मोती होऊन ते पसरले आहे!!
तुझ्या सोबतीचे क्षण जणू ते
पुन्हा मला का दिसत आहे??

ओलावा त्या माती मधला
नात्याची जाणीव होत आहे!!
पुन्हा बहरून येण्या जणू
ती पालवी का फुटली आहे??

नभी दाटल्या त्या ढगांनी
जणू हाक मज दिली आहे!!
तुझ्या नि माझ्या भेटीस
ती सरही आतुर का झाली आहे??

तुझ्या आठवांचा पाऊस आज
मज चिंब भिजवत आहे !!!

✍️योगेश खजानदार

मार्ग ..🚴

Advertisements

“शोधावी ती माणसं
जी स्वप्नांशी झुंजत असतात
झोपलेल्या उगाच पाहत
वेळ वाया घालवू नये

शोधावे ते मार्ग
जे तुम्हाला खुणावत असतात
उगाच सगळे जातात म्हणून
चालत राहू नये

शोधावे ते ध्येय
जे तुम्हाला बोलत असतात
उगाच दुसऱ्यात कधी
स्वतः स पाहू नये

शोधावी ती आग
जी तुम्हाला पेटवत असते
दुसऱ्याच्या आगीत कधी
खाख होऊ नये

शोधावी ती जिद्द
पुन्हा उभा राहण्यासाठी
उगाच हताश होऊन
रडत बसू नये

शोधावी ती ओळख
आपलीच आपल्यासाठी
उगाच कोणाच्या सावलीत
उभा राहू नये..!”

✍️योगेश खजानदार

Photo credits👇👇 ADK Photography

//www.facebook.com/DKhajandarPhotography/

कविता मनातल्या ✍️

Join 7,330 other followers

Advertisements